 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Марыля! сяброўка Марыля!
Ты мара мая ці мана?
Мяне твае вочы зьмірылі:
Марыля з табою адна.
Марыля, у марыве мара!
На сьвеце шукаць – не знайсьці.
Няўжо лятуценьня гітара
Даймае мяне да касьці?
Марыля мая дарагая,
Зрысую пяром твой абраз.
Я ведаю: прыйдзе другая,
Цябе прыгадаю ці раз,
Як ты на вясновым спатканьні,
Дзе ў дрэвах расчуліўся шпак,
Мне некалі ў шчырым прызнаньні
Шаптала: – Мой любы... мастак...
Марыля заўсёды з табою,
I мара твая – не мана.
Спахмурыцца ціха журбою,
Пасьля засьмяецца яна.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
